History : The
Salvation Army rawngbawlna ah Junior Cadet 500 mamawh a nih thu Salvation Army
weekly paper-‘The Young Soldier’ ah ni 29th Feb, 1896 a tih chhuah a
ni a. Naupang Sipai thahnem takin an dil a. Hemi kum hi Corps Cadet din tan kum
a chhinchhiah a ni ta a. Lesson hmasaber pawh Salvation Army Magazine “All the
World” May thla (1896) issue ah chhuah tan a ni a. Kum 1897 hnulamah chuan “The
Young Salvationist” lamah tihchhuah chhunzawm a ni a.
Junior Cadet hi a
thang chak em em a, kum 1898 ah phei chuan 3000 ang tling chho ta hial a.
British Commissioner chuan Hadleigh hmuna Winter Camp an kum 1898, February 10
a ‘Junior Soldiers’ tih chu ‘Corps Cadet’ tiin a thlak ta a ni.
Mizoram ah chuan kum 1929 ah Corps Cadet dilna
hun hawn tan ve a ni a. Corps Cadet atan mi 10 pawm an ni a, heng te hian
January 1930 atangin lesson an chhang tan a. Corps Cadet hmasate chu –
Khualkungi, Thanzami, Mungi, Lianchhungi, Di-a, Lalchhunga, Tawia, Senbawnga,
Doliana leh Lalnghaki te an ni.
Corps Cadet hian hmasawn chho zelin tun dinhmun ah hian India Eastern Territory ah Corps Cadet Higher Grade
-1367 leh Lower Grade -2026 Total-3393 an awm mek a ni. Division/District hrang hrangah Corps Cadet dinhmun
chu hetiang hi a ni-
1. Tripura - Higher-22
Lower-26 =48.
2. Central
North - Higher -509 Lower -564 =1073
3. Northern - Higher
-46 Lower
-147 =193
4. Western - Higher -95 Lower
-210 =305
5. Southern - Higher -128 Lower
-139 =267
6. Eastern - Higher - 8 Lower
- 37 =45
7. Himalayan - Higher -6 Lower -16 =22
8. Central South - Higher
- 553 Lower
-887 =1440
Thiltum: Corps
cadet chu Sipai, Salvation Army rawngbawlna kawng hrang hranga hman tlak tura
zir leh chumi atana buatsaih te an ni a. An zir hunchhung kum 6 hi Sipai, Local
Officer leh Officer ni tura lo inchher hriamna in a khat vek a ni.
Zirlai: Corps
Cadet zirlai hi Lesson A,B,C in then a ni a. Zirlaiah hian Thuthlung Hlui a
miropui tak tak leh Zawlneite chanchinte zir thin a ni a. Thuthlung thar ah
pawh Lal Isua chanchin leh a rawngbawlna chanchinte zir thin a ni bawk a.
Heng bakah hian Salvation Army rawngbawlna a
mi ropui leh huaisente chanchinte, kohhran nihphung leh chhinchhiahna te leh
Salvation Army General Knowledge te an zir bawk a ni.
Nihtheihdan: Corps
Cadet ni tur chuan naupang sipai kum 11 aia naupanglo a ni tur a ni a, a dilna form chiang taka fill-up in a dil thei ang. Corps Cadet diltu chuan hengte hi a zawm tur a ni :
1. Thawmhnaw zahawm taka hain Sipai Pawl kalphung angin a in chei thin ang.
2. Zuk leh hmuam , damdawi hmansual , zu in leh pawisa khelhna lakah te a fihlim tur a ni.
3. Corp Cadet Lesson te chu a hun takah a chhang thin tur a ni , Sipai Pawl thu leh hlate a theihdan angin zuarin a sem thinin , YP inkhawmnah telin a tul chuan a zirtir thin ang.
Kum tinin kum tawp December thla chhung hian
Corps Cadet dilna hun DHQ in a hawng thin a ni a. Headquarter in dilna form a
siam hmangin dil duh chuan a nu or pa (atleast single parent) phalna in a
fillup tur a ni a. CO leh CCG te recommend na nen DYS hnenah huntiam chhungin
an thehlut ang. A kum leh January thla ah DHQ in Corps Cadet atana pawmte list
a tichhuak ang a. January thla atangin Lesson chhan tan tur a ni.
Corps Cadet an chhan tantirh atanga kum 3
chhung hi Lower Grade a ni a. Lower Grade an nih chhung hian certificate 6 (kum
khatah certificate 2 zel) an dawng anga. A hnu kum 3 dang an zir leh hun hi
Higher Grade a ni a, certificate 6 an dawng leh anga. A pumpui kum 6 chhung
tluang taka zirzo certificate 12 dawng ten Corps Cadet zirzo “Badge of Merit”
an dawng thei chauh a ni.
I Timothea 4:15-16
“Mi zawng zawng hnena i sawtna a lan theih nan
chung thilahte chuan taima la, chungah chuan inhmang zo rawh. Nangmah leh i
zirtirnaah chuan fimkhur la; chung thil tiin awm reng rawh; chutiang tiin
nangmah leh i thu ngaithlatute chu i chhandam dawn zuk nia.”