Mi ropui Dr. Roman Saini

 Translated by Dr. Vra Pachuau

 “Kan vawiin hunte hi kan thlahte hmakhua atan I hlan ang u”

APJ Abdul Kalam

Kan tunlai khawvel hi intihsiakna khawvelah kan cheng a. Tu pawh mai hian hmalam hun eng leh hlawhtlinna nei turin kan buai reng a. Kan khawvel nitina kawng tinrenga danglamna thleng hian kan nunah hmun lian ber a chang reng a. Sânna leh nawmna duhin nitin min len a.

Chu khawvelah chuan mi ropui, tuna a chanchin kan sawi mek Roman Saini pawh a rawn zuang lut ve a.

India ram khawpui lar Pink City-Jaipur, Rajasthan ah July 27, 1991 khan a lo piang a. Naupang fel leh lehkhathiam tak a ni lo. Kum 16 mi a nih in kum 2007 ah India rama Doctor zirna hlun leh langsarber All India Institute of Medical Sciences (AIIMS) a lut turin a in ziak tling a. MBBS 2^nd Year a zirlai hian  a thiante pahnih Hemesh Singh leh Sachin Gupta te nen zirlaite zirna kawnga puitu “Unacademy” din zai an rel a. Bul an tan chhunzawm ta a.

Kum 2013 a lo herchhuah meuh chuan Dr. Roman Saini pawh kum 22 alo ni ta a. Kum 22 a nih kum hian India ram a in elna sangber UPSC hnuaia Civil Service Examination a vawikhat beihnaah a ti thazual 20 zingah langpha khawpin a rawn in vawrh ta hial a. Chuti khawpa record nei tha chuan a hnate dik leh rinawm taka thawkin kum 2016 a lo thlen chuan a hnathawhna a hmuh fo thin tanpui ngaite tanpuina lam chuan a nun a luah tlat a.

Kum 2016 kum chuan IAS atanga abana thehlutin ramchhunga zirna mamawhtute tan a thlawna zirna hrang hrang siamsak a hun pum hmang turin thutlukna a siam ta rup mai. Chutia a mihring puite tana hun a hlan hnu chuan “free education” tam thei ang bera ramchhung zirlaiten an dawn theihna turin free study material chi hrang hrangte website ah te dahin, Youtube channel ah free video tutorial te a upload tan ta. “Unacademy” chuan mi tam tak tan malsawmna a thlen ta.

Zirna lam ngaina, chhungkaw rethei tak tak atanga beite tan leh Coaching class man to tak tak a kal ve theilo tan malsawmna ni turin study material tha tak tak – Geography, Physics, History, Politics, Arts, Environment, Ecology, Biodiversity leh adt. ah an buatsaih ta a. An thawh rah avang hian Civil Service Exam hlawhtlinna mi tam takin an neih phah ta.

Thubelh : Midangte tan malsawmna kan nih theihna a inchen vek kher lo thei. A te emaw a lian emaw, a ropui emaw ropui vaklo emaw, kan phak ang tawk te hi a tawk reng mai.