*Tin, LALPA vântirhkoh chu a hnênah a rawn inlâr a, a hnênah, "Nang mi chak huaisen, LALPA chu I hnênah a awm e," a ti a.*
Roreltute 6:12
Lalpa mithmuha thil tih sual chîng tak, a mi Israelte hi Lalpa hian a ngaihsak si a. Anni lahin Pathian ropuina nasa tak an hmu a, an dawng chungin Pathian duh loh zawngin an nung reng a.
A lam an hawi leh theihna turin a sawizawi a, a thunun a. Chutiang reng reng chuan Pathian hian a khalh a ni ber.
Roreltute 6 a kan hmuh pawh hi ami Israel ten Lalpa hmuha thil sual an tih avanga a hremna a ni a.
Ami Israel ho hrem nan an hmelma Midian ho a ti chak a, kum 7 ngawt an hmelma Midian ho kutah hrehawm takin a awm tir a.
Mahse, ropui lai chu, a mite hrehawmna ah hian Pathian a awm hle hle ngailo leh Amah Pathian meuh chu inhnûk hniama min luh chilh ṭhin hi a ni.
Mi chaklo, mi dawihzep, grep sawrna khura lo biru Gideona rawn luhchilhtu kan Pathian hian nang leh kei pawh hi tunah hian kan hnenah min la luhchilh mêk a nih hi. *Lalpa chu fakin awm rawh se.*
Sakhaw dang chuan an pathian an zawnga, ramhnuaiah te, pûkah te, tlangah te, hmun fianrialah te zawngin an be ṭhin.
Mahse, kan PATHIAN ve thung erawh chuan a mite rawn thlenchilh in, min rawn luh chhuah zawk ṭhin. *Lalpa chu fakin awm rawh se.*
A duh loh dana nungin, a mit hmuhin thil sual ti ṭhin mah ila, Amah ngei hian kan tawm rûkna khur min luhchilhin min rawn zawng chhuak thin hi kan Pathian ropuina a ni.
A van ropuina leh a Lal ṭhutthleng pawh thlahlel theilova keimahni min hmangaiha, min buaipuia, kan tana fapa mal neihchhun pawh min pe phaltu, kan Pathian lam hawia, a duhdana nung ve tawh turin chhiartu zawng zawngte
*Lalpan min khawihin, mal min sawm ṭheuh rawh se.*
No comments:
Post a Comment