Khawvela thuhriltu ropui, Evangelist,
Dark Continent ti a khawvelin a lo hmelhriat Africa khawmualpui Pathian thu
hmanga nasa taka luh chilhtu Reinhard Bonnke chuan “Pathianin mi tlingte a ko kher lova, a kohte hi mitlingah a siam mai
zawk a ni” a lo ti a. Mi thenkhat chuan Pathian mi hman ni turin mihring
mihrinna in theih tawp kan chhuah a, kawng tinrengin kan nun kan ti
thianghlimin Pathian hnenah kan hlan thin. Pathian tana kan inpekna chu Pathian
lawm zawng tak pawh a ni ngei ang. Pathian mi hman tam tak zingah Mosia,
Gideona leh Petera te hi lo chanchin tawite te in lo en ila.
Pathian hmanrua Bible a kan hmuhte hi an
mahni tlin leh felna, an thawh nasat leh in pek em vang ai mahin Pathianin a
duh chu a hmang mai thin niin a lang a. Aigupta rama Israel mite mangang au aw
chuan Pathian hnen a thleng a. Pathian in Mosia-pa dangawk, tawng mawh, tawng
hmang thiamlo tak mai a thlang mauh mai a. Mosian a hupphurh em em avangin amah
tanpui turin a unaupa Arona a pe a. Pathianin a mi thlan Mosia hnenah thu a
hriattir angin Arona chuan Mosia thu angin a tihlawhtling thin. Pathianin a
tlinlohna leh a fellohna zawng zawng hre chungin Mosia a be thin a. Pathianin a
programme a tihlawhtling a. A mi Israel fate chu Aigupta tam atangin ramtiam
Kanan a hruaithleng a.
Ramtiam hruaithlenin an awmta cheng a,
Pathian duhloh dana an nun avangin Pathian thinurna chu Israel fate chungah
vawi tam tak a thleng thin. Midian hote, Amalek hotel eh khawchak fate hoin
Israel fate nasa takin an ti duh dah ta a. Pathianin a mite chhanchhuak turin
mihring mihrinna a tling lo tak Gideona a ko leh tlat mai.
Gideona hi Manasea thlah zinga hnam
rethei ber, chutah pawh a pa chhungte zinga te ber ni bawk. Midian ho a hlauh
avanga Grep sawrna khura buh lo vaw mek chu a thlang leh ta mauh mai. A
thlanzia tih lanna turin Pathian chu alakah a in puang ta mawlh mawlh mai a. A
hlauh em em Midian ho hnehtu a lo nita.
Lal Isua hnungzuitu, a kaihza vengtu, a
zirtir zinga a hming a lam hmasakber Petera nun pawh hi a ropui khawp mai. Mihring
mihrinna lamah chuan sangha mantu, kawr ha mumal lova sangha mana lente deng
mai mai thin a ni (Johana 21:7). Lal Isua kraws kawng ti sukuk zawnga a tawng
avangin “Setan ka hnungah kal rawh, Pathian thilte ngaihtuah lovin mihring
thilte I ngaihtuah zawk a nih hi” (Marka 8:33) ti a Lal Isuan a khak fawk fawk
thin a ni a. Lal Isua an mana, a hnung zui thui ngam ber a ni a. An innghahna
ber Isua a thih a, phum a nih takah chuan a hna ngai ah let leh in sangha hman
chhunzawm leh mahse, thihna hneha tho leh Lal Isua a sangha manna hmuna ava kal
chilh ngat, A hnu a nasa taka thiltihtheihna a a thuam zui a ni.
Keini ringtute pawh hi Pathian in tuna
kan awm ang leh kan tlinloh ang hian min hmang duh a. Pathian min hmanna dal
tur hian keimahni a kan tlinlohna leh fellohnaten kan rilruah nasa takin hmun a
luah fo thin. Kan hmalam huna Pathian ropuina hmu theilo tur hian kan hun kal
tawh hmang hian Diabola hian min thlung fo thin.
Chuvangin, nang leh kei hi Pathian hman tura
kan inpek (surrender) chuan, Amah zawkin hman tlak ah min lo siam mai dawn a lo
ni.
No comments:
Post a Comment