*A DUH TUI RIAU TLAT!*

 *"Aigupta ram ata lo chhuak, kum sawmhnih achin chung lam mi reng reng chuan Abrahama, Isaaka te, Jakoba te hnêna chhechhama ka pêk ram chu tuman an hmu lo vang: min zui tak tak loh avangin:"*

Numbers 32:11

 

Kan Pathian hi a duh tui riau tlat. Aigupta aṭanga a hruai chhuah patling ringawt pawh 600000 an nia. (Nu nau ho zawng zawng nen phei chuan engzat tak niang maw?) Chung ho zawng zawng tan chuan ramtiam *Kanan* a buatsaih a.

 

Mahse, an luhlul avang leh Pathian laka an vuia, Pathian an phatsan fo avangin ni 11 chhung leka thlen theih kha kum 40 an hrual phawt a.

 

Chuti pawn Pathian lung an ti awi lova, kum 20 chin chunglam zawng tân ramtiam "Kanan" luh a khap ta hmiah mai. Josua leh Kaleba tih loh Mosia leh Arona tiamin ramtiam thlen hmain an thi fai vek a nih kha.

Hmangaih Pathian a ni a, min hmangaih êm avangin a fapa mal neihchhun meuh a rawn tir a. Chuvangin kan Pathian hi a ti mai mai lo.

 

A duh tui riau tlat. Hmangaih Pathian a ni ngei mai, a hmangaih avang takin a fapa kraws ah a rawn chingral tawh a. A fapa thu zawm lova, ring lova, mi ti mai mai, mi inthlahdah, khawvel bawlhhlawh pawm ṭûn chung chuan Vanram (Kanan) luh ve ngawt a rem tih ka ring lo.

 

Paulan *"Unaute u, manah ka inngai lo. Amaherawhchu he thil pakhat hi ka ti ṭhin- hnung lama thil awmte chu theihnghilha, hma lama thil awmte chu banin, Krista Isuaa Pathian chung lam koh chhan lawmman hmu turin, tiam chin lam chu ka pan ṭalh ṭalh a ni."* Philippi 3:13-14

 

Mithianghlim Paula meuh pawh tiam chin lam pana a tlân ṭalh ṭalh chuan, keini pawh hian Krista Isuaa Pathian chung lam koh chhan lawman hmu turin theih tawp kan chhuah a ngai a ni. A chhan chu kan Pathian hi a duh tui tlat.

 

*Lalpan malsawm rawh se.*