Kanaan rama ṭâm a tlak avanga Aigupta rama lut Jakoba chhungte (Israel fate) zawng zawng chu 70 an ni. (Gen 46:27)
Chu a mikhualna ram Aigupa chu nuam an tih lutuk loh nan Lalpan lal sual tak Pharaoa alo ruat a. Pharaoa leh Aigupta mite chuan Israelte chu an ti duhdah ta em em a (Exodus 1).
Chu Aigupta aṭanga hruaichhuak turin Lalpan Mosia (leh Arona) a tir ta tih kan hria.
Keini ringtute pawh hi he kan khualzinna khawvel (Aigupta) hi nuam kan tih lutuk loh nan min ti hrehawmtu tur (Pharaoa) tuarna, natna, thihna, chhiatna, hripui a lo buatsaih a.
Chu hrehawmna aṭang chuan amah kan auh ṭhin hi Pathian duhdan a lo ni reng a.
Israel fate mangang au thawm a hria a, an mangan na ata hruaichhuak turin Mosia a ruat angin keini pawh khawvela kan mangna laka min chhanchhuak turin fapa Isua Krista min rawn pe ta a ni.
*Lalpan malsawm rawh se.*
No comments:
Post a Comment