*"Elija chu keimahni nungchang ang pu mihring bawk a ni a, ani chuan ruah sur loh nan thahnemngai takin a tawngtai a; tin, kum thum leh thla ruk chhung zawng lei chungah ruah a sur ta lo va."* Jakoba 5:17
Gilead rama Tisbe khua a mi Elija hi keimahni ang bawk mihring a ni. Ṭhahnemngai taka a ṭawngṭai avanga kum 3½ ruah sur lo lai hi a ropui khawp mai.
Mahse, chu aia ropui zawk leh, ringtuten kan mamawh chu ama (Elija) thusawi ngei *"LALPA, a bula ka awm thinna Israelte Pathian......."* 1 Lalte 17:1 hi a ni.
Elijan _Lalpa, a bula ka awm ṭhinna Israelte Pathian_ ti a a sawi ngam ang hian, keini ringtute hian Lalpa bulah awm ṭhinah kan in chhâl ve ngam a ngem?
Chuti taka Pathian bula awm ṭhin Elija pawhin ṭhahnemngai taka a ṭawngṭai hnuah chauh a ṭawngṭaina chhâna a awm si chuan, Lalpa hnena hman chang chang a awm, awm zeuh zeuh te kan ṭawngṭaina a chhâng lo ṭhin hi Lalpa kan mawhpuh theih lovang.
_"Nangni keimaha in awm *reng* a, ka thu nangmahnia a awm *reng* bawk chuan in duh apiang dil rawh u, in tan tihin a awm zel ang._ (Johana 15:7) titu kan Lal Isua hian *reng* a hmang tlat a ni.
Kan duh apiang kan dil min pek a tiam ngawt lova, Amaha kan awm reng a, A thu pawh keimahni a a awm reng hmasak hi kan ṭawngṭai chhanna channel dik chu a lo ni.
*Lalpan malsawm rawh se.*
No comments:
Post a Comment