*DUHTHLANNA*

_(Kan sawi ṭhin, kan sawi nawn leh dawn)_

 

*Ngai teh u, vawiinah hian in hmaah malsawmna le ânchhia ka dah a; LALPA in Pathian thupêkte, tuna ka pêk che u hi in zawm chuan, malsawmna; LALPA in Pathian thupête chu in zawm loh va, in hriat ngai loh pathian dangte be tura ka thupêk che u inpensan erawh chuan, ânchhia.*

Deuteronomy 11:26-28

 

Kan Pathian hian mihringte hi kawng hnih min chhawpsak zar zar a. Kawng thumna a awm lo.

 

Malsawmna leh Ânchhia, Nunna leh Thihna, zawm leh zawmloh..etc.

 

Chu kawng hnih ah chuan duhthlanna dik kan siam theih nan min kawhhmuhtu atan amah bawkin min zirtir ṭhin.

 

Kawngdik, duhhthlanna dik leh ṭha zawk kan thlan theih nan a châng chuan tawrhna, harsatna, buaina, natna ten min thunun bawk ṭhin. Min hmangaih vang vek a ni.

 

_*....chutichuan nunna chu thlang rawh u, in nun theih nan, nangni leh inthlahte nen;*_ tiin Deuteronomy 30:19

min umzui lawm lawm a.

 

_Mosian dâr rûl a siam a, banah a khai a; tin, heti hi a ni a, rûl chuk apiangin dâr rûl chu an enin an dam zel a._ Numbers 21:9

 

Rul chukna mi hmanga an thih zawih zawih laiin damna dâr rûl khaikan en duh an dam a, en duhlo an thi ang hian, kan damna turin kan tân Isua Krista krawsah khaikan sakin kan awm a. Kan en duh leh duh loh chu kan duhthlana a ni thung.

Mitin hi kan thu(duhthlanna) vêkin thiamin kan awm anga, kan thu vêkin thiam lohvin kan awm dawn.

 

*Lalpan malsawm rawh se.*