*"Kan tidik hauh lo mai a; vawiin hi chanchin lawmawm thlenni a ni a, keini hi kan ngawi reng mai a; khawvar kan nghah chuan hrem kan tawk mai ang; chutichuan hawh u, lal chhûngte i va hrilh ang u,"*
2 Lalte 7:9
Suria lal Ben-hadada chuan a sipai hote khawmin Samari khua an hual a. Samari khawkulh luhna kawngka bulah chuan phâr pali an awm a.
Phâr natna hi inkai chhawn awl tak, natna tenawm tak a nih avangin a hri veite hi khawchhungah mipui zingah awm phal lovin khaw daipawnah an dah ṭhin.
An ni tan chuan an khawpui hmelma Suria sipai hovin an hual vek tawh bawk si a. An khua Samari ah lah eitur an tlachham (an ṭâm) tawh bawk si. Hnawh tawtin an awm a. Tih ngaihna reng reng a awm tawh lo.
Thih leh thih tiin Suria sipai ho zingah an tlulut turin tlai thimhlimah an kal ta ngawt a. Mahse, Lalpan phar 4 lek thawm kha mal alo sawm niin-Tawlailir thawmte, sakawr thawmte, sipai tam tak thawm angin Suria sipaiho bengah a rîk tir a.
Suria sipai ho chuan an riahhmun chhuahsanin an lo tlanchhe vek a. Suria sipai ho rohlu leh an thil neihte chu an kutah pekin an awm ta.
Chu chanchin lawmawm leh ropui tak chu an mahni tan maia ti lovin, Samari khuaah thlen ta a ni.
Kan ramah hripuiin min tuam mek a. Mahse, nang leh keia ṭawngṭaina hmang hian kan rama hripui (Suria sipaite) hi kan ûmbo thei a. Kan ṭawngṭaina thawm hi sipairual ropui leh hlauhawm takah LALPAN a chantir thei si a.
Vawiin a kan hnena chanchin lawmawm lo thleng hi ngawih pui lovin midangte tan malsawmna ni turin i chet chhuahpuiin, i puang zel ila. Lal chhungte hi i hrilh thuai thuai ang u.
*Lalpan malsawm rawh se.*
No comments:
Post a Comment