*Tichuan ani chu, "Isu Davida Fapa, mi khawngaih rawh," tiin a au ta a.* Luka 18:38
Jeriko khaw luh dawnin mitdel, mite ngaihsak hlawh lo, kawngsira kutdawha ṭhu chuan mipui thawm aṭangin a kiangah Nazareth Isua a kal tih alo hre ve a.
Tlawm leh zah pawh dawn lovin a khawngaihna dilin a auva. Mahse, mite chuan ngawi turin an hauva. Mahse, "Davida fapa, mi khawngaih rawh" tiin a au zual sauh a. *Isua kal lai chu a dinga.*
Isuan _"I chungah engtia ka tih nge i duh?"_ a ti a, a lo zawt a. Tin, ani chuan, _"Lalpa, hmuh theih ka duh,"_ a ti a. Tin, Isuan a hnenah, *_"Hmu thei tawh ang che, i rinna hi i dampui a ni e,"_* a ti a.
A LO DAM TA. Amah zuitu mipui tam takte dawn phâk loh Isua tihdamna a chang ta.
*Lalpa ropui rawh se.*
Kan ram a dam lova, hripui avangin kan buaia, mitin kan inkharkhip chungin Hripuiin kian zai reng a rel theilo.
Lal Isua tih tak zet a koh hun a ni. A tihdamna dila ṭhahnemngai taka ṭawngṭai a ngai.
Kan health facility in a tlin phak bak kan thlen chuan thawkkhat laia vairam anga damdawiin veranda, ambulance leh motor chhunga a thawchhama thih ang kha kan hmabak palh ang tih a hlauhawm ta hle mai. _(Thleng lo hram rawh se)_
Mitdel, kutdawhin mite hau na pawh zah zo lova Isua a damna a beisei ang khan Tlawmna, Thuhnuairawlhna nen Lal Isua pan ila. Lalpan min tidam anga, kan rama dam ngei ang.
Mahse, kan duh lova, kan chapova, kan rilru kan tih khawng luih tlat chuan Pathian thinurna (thununna) kan tuar zo lovang.
"Isu, Davida fapa, min khawngaih rawh" tiin tidamtu Isua i pan ang u.
*Lalpan malsawm rawh se.*
No comments:
Post a Comment