Tirhkoh Paula thu khaw châng Philippi 3:1 *"Thu pangngaite in hnena ziak nawn leh hi keia tan zawng ninawm a ni lo ve, nangni tan a sawt bawk si a."* a tih ang in puak leh phawng phawng mai teh ang.
_(Kan tân malsawmna a nih beisei chungin, Lalpa ropuina chawimawina chang sela)_
Biak In lian leh ropui tak tak neihah kan in el ta emawn chu? tih turin kan Biak in a ropui tulh tulh a. Biak in chhung light leh sound system pawh a ropui hlawm e. Ceilingte lah kan chei nalh narawh e. Kan Biak in ṭhuthlengte lah nilenga ṭhut pawha hrehawm loh turin a ṭha in a nalh. _Pathian kan biakna hmun, amah kan faka, kan chawimawina hmun a ni a. A ṭulin a pawimawh a ni._
Mahse, kan Biak Pathian hian a lailum chan a duh avangin Amah aia kan dah pawimawh fo ṭhin te chu hman mumal theih lovin khar ṭhup ngaiin hripuiin hmangin min thunun mek a.
Lalber duh, Lansarh ber duh, Chungnunber duh kan Pathian hian a lansarh berna turin chhûngkaw maichamin bul min ṭan thar sak leh mêk a. Thuhriltute leh rawngbawltute nunah Lalber a duh avangin kan thuhrilna leh kan rawngbawlna dawhkan min khaikhup sakin training na hmun fianrialah *"rawng-rût"* turin min kalhkhum mek a.
Chu huna kan awm mek lai chuan bumhmang "Diabola" lah hmanhmawh tak leh thiam takin a ei theih tur zawngin Social Media leh Media leh Games hrang hrang hmangin ringtute min lo rûn ve mêk bawk a. He thlarau indona hi kan hmu thiamin kan hrethiam hlawm em?
He indona ah hian khawvel ralthuam Missile, Nuclear, Armor, Jet fighter, Commando te lah chu a hman tlak hlek lova.
Kan hman tur hmanraw hriam leh ṭha em em ruh chuktuah leh thlîng phel hrang thei khawp A ralthuam famkim aman min peksa *A thu* leh *ṭawngṭaina* hmanga _rinna_ a dina ni si.
Hunkhirh tak kan hman mek lai hian kan ke atana khawnvar kan kawng atan êng min petu *Pathian thu* hi ngun takin enin, zir ila. Lalpan kan hma a hruai zel ang.
*Lalpan malsawm rawh se.*
No comments:
Post a Comment