*".....Pathian Fapa lo lan chhan ber chu diabola hnathawhte a tihboral theih nan a ni."* 1 Johana 3:8
Kan mimal nunah leh Chhungkua ah hian kan hriat miah loh, kan chhui leh ngaihsak lem loh hian ânchhia (curses) hi kan lo kawl reng thei a.
Chhungkaw kehdarhna, Kawppui thlak sekna, Natna khirh tak veina, Ro thila chhungkaw innghirnghona, Chetsualna rapthlak, Tual thihna, leh chi hrang tam tak a awm thei.
*Natna bik* han sawi ta ila : thlahtutea zunthlum (diabetes) an awm avanga thlahtea zunthlum nei tura in ngaihnate, Thlahtute a cancer vei an awm avanga thlahte a cancer nei tura in ngaihnate, etc..... heng zawng zawng hi ngaiah kan neih mai ṭhin. Setana bumna a ni.
Mahse, heng ânchhe zungzâm zawng zawng tibo tur leh min sahchah sak tur hian Lal Isua a lokal tih kan hria em! Khawvel (nang leh kei) hi Amah (Isua) avanga kan dam na turin alo kal asin(Johana 3:17).
Natna mai nilo, kawng hrang hrang (a tira kan sawi)ah kan thlahtute aṭanga inhlan chhâwn ânchhia kan hriat miah loh hian mihringte hi setana hian min bei ṭhin a. Chu setana phuarna chu Lal Isua hmingin tikehsawm a, sat chat vek turin Lalpan kan thlarau mit min tih var sak sela.
Mimal nunah emaw chhungkuaah emaw hetiang ânchhe zungzâm - natna, hrichhia, tual thihna, ro thila buaina, chetsualna, thinchhiatna, thatchhiatna, mipat hmeichhiatna a chaklohna, chhungkaw kehdarhna etc.... ti tawp turin Isua thisena tlan te hi i harh ang u.
Kan hriatloh min phuartu *'Ânchhia'* te tiboral tura lokal Lal Isua hmingin setana min phuar nate phelh kan nih tawhna leh hnehtu kan nih tawhna huaisen taka puang tur kan ni.
Chu dinhmun ropui luah tura van khua leh tui nihna neia leia A aiawh a a dahte kan ni si a.
*Lalpan malsawm rawh se.*
No comments:
Post a Comment