*"A faten Pathian an sawichiatna sual chu hre reng pawha a khap loh avângin a chhûngkua chu kumkhua atân ka ngaihtuah dawn ani tih ka hrilh tawh si a."* 1 Samuela 3:13
*"Tin, naupang Samuela chuan Elia hmaah chuan LALPA rawng a bâwl a. Chûng lai chuan LALPA thu chu a thleng khât hle mai a; a langa inlârnate a awm lo va."* 1 Samuela 3:1
*Elia:* Puithiam Elia'n fapa 2 a nei a. A lo tar tâk hnu ah a fapate pahnih chuan Pathian hma a rawn in thawi ṭhin te mawilo taka an lo tih ṭhin avangin, Pathian a lungawi lova.
Puithiam mah nise, Lalpa thinurna an chunga a thlen tur thu Lalpan a sawi ta hmiah mai.
Pathian ânchhia chuan puithiam Elia chhungkua a luah ta a. A fapate 2 chu ni khatah a thi ta ve ve tur te, a in a lo piang reng reng chu tar kûna dam thleng an awmloh tur leh an vanglai ngeia an boral zel tur thu a a sawi ta a ni.
Lalpa rawngbawltu puithiam mah nise, Lalpa aia dah pawimawh a neih avangin Pathian ânchhia in a zui ta a.
Ringtute, Pathian rawngbawltute hian Pathian aia ngaihhlut leh ngaih pawimawh kan neih chuan Lalpa kan lakah a thîkthu a chhia a. Pathian leh a thu kan ngaih pawimawh a ngai. Puithiam Elia chanchin aṭang hian Lalpan min khawih thar rawh se.
*Samuela:* Elakana nupui 2 zinga pakhat Hani'n fa a neih theih a beisei tawh loh hnua Pathian in a pêk, Pathian rawngbawl tura naupang, hnute nghei tîr a nih aṭanga Puithiam hmaah Lalpa rawngbawl tura an dah/hlan a ni.
Hetih hunlai B.C 1200 chho vel bawrah hian Pathian thu a thleng khât em em mai a, inlarna leh zawlnei thupuan pawh a reh ṭhup lai tak hian naupang Samuela chuan puithiam hmaah rinawm takin Lalpa rawng a bawl tlat a.
Lalpa thu thlen khât lai taka Pathian rawngbawl tlat, Pathian aw hre thei Samuela nunah hian zirtur tam tak kan nei a ni.
Kan ramah hripui avangin Biak in kan khâr ṭhup a. Kohhran programme a chawlh ṭhuap lai hian Samuela ang hian Lalpa rawng bawl tlat ila. Lalpa thu thleng khât lai pawh hian Lalpa aw kan hre thei dawn a ni.
*Lalpan malsawm rawh se.*
No comments:
Post a Comment