*"Tin, Pathian Thlarau Thianghlim chu tilungngai suh u, tlanna ni atan chuan amahah chhinchhiaha in awm kha."* Ephesi 4:30
Nausen pianghlim in ke a neih avangin mother's womb aṭangin ke in a rawn kalchhuak ngailo. Zawi zawiin a taksa a rawn insiam danglama. Chakna alo nei a, kal a zir a (kal chhet chhet tiin), ke in a kal thei a, alo tlan thei a, alo chak ta chauh ṭhin.
Thlanna ni a kan hnena pek *Thlarau Thianghlim* hi a tirah kan hmang thiam nghal lova. Mahse, zawi zawiin kan nunah hma a sawn theih nan Bible chhiarin, ṭawngṭaiin (kal chhet chhet) tiin kan châwm seilian tur a ni.
Chutichuan, Thlarau Thianghlim thiltihtheihna chu atakin kan lo hmang thiamin, kan lo hmang ṭangkai thei ta ṭhin a ni.
Ringtu zawng zawng ten kan kawl *Thlarau Thianghlim* ti ṭhang liana, setana ram ṭhiata, mite tana malsawmna ni thei turin Bible chhiar leh ṭawngṭaina hmanga kan ṭhanlen tira kan tih chak a ngai a ni.
Ringtu Bible chhiar hman lo khawpa buai, Ṭawngṭai hman lo khawp a buai kan nih a hlauhawm. Diabola bumna a ni.
Bumtu 'Diabola' bumna avangin kan nihna, chanvo luah zo lovin ringtute hi setana'n min ti sawngnawi a. Ringtu chaklo, thiltithei lovah min siam fo ṭhin. Ringtu chak, thiltithei ni turin ṭan ila sauh sauh ang u.
*Lalpan malsawm rawh se.*
No comments:
Post a Comment