VUAN TLAT

 

*Tin, Naomi chuan a mote pahnih hnênah chuan, "In nu in lam ve vea haw leh tûrin kal rawh u khai; mitthi chung leh ka chunga in tih ang hian LALPA chuan in chungah ngilnei takin ti ve rawh se. _LALPA chuan in pahnihin pasalte ina khawsakna in tawn theih nan khawngaih che u rawh se,"_ a ti a. Tichuan a fawp a, tin, aw chuah meuhvin a tap ta chiam mai a.* Ruthi 1:8-9

 

Naomi hian a mote pahnih Orpi leh Ruthi chu a thlah a. Orpi chuan a fawp a, a kalsan ta a. Ruthi (Moab mi) erawh chuan a vuan tlat a.

 

Moab (Jentail) mite hi Juda hovin an enhniamin an hmusit em em a. Mahse, a rinawmna leh a pi (Naomi) a vawntlatna chuan rah duhawm a chhuah ta a. 

 

Bethlehem lam mi, mi hausa Pathian ṭih mi Boaza nupui niin, Lal ropui Davida pi (great grandmother) alo nita a. Isua Krista thlahtu bul chhuina a hmeichhe hming lang awmchhun a lo nita a ni.

 

Naomi hian a mote pahnih Orpi leh Ruthi hi mal a sawm ve ve a. Mahse, Orpi chanchin kan hre zui ta lo.

 

Mi rinawm Ruthi chanchin chu vawiin thlengin kan la sawi ta a nih hi. Mi rinawmte hi Lalpan a tungdingin, mal a sawm ṭhin.

 

Orpi pawhin a pi a hmangaih em em a, mahse a kalsan. Ruthi pawhin a hmangaih em em chungin a vuan tlat thung.

 

Pathian hmangaihtu mai ni lova, Rinawm taka vuan tlat tu lo ni ang che.

 

*Lalpan malsawm rawh se.*