(A ngaihnawm zâwngin)
*Johana chuan a hnenah, "Zirtirtu, tu emaw i hminga ramhuaite hnawt chhuak kan hmu a; min zui ve loh avangin kan khap ta asin le," a ti a. Isua erawh chuan, "Khap tawh su u; tumah ka hminga tilmak ti sia mi sawichhe nghal thei an awm lo a ni. Tupawh min dodal lo chu kan lama tang an ni si a.* Marka 9:38-40
*Tin, Johana chuan, "Zirtirtu, tu emaw i hminga ramhuaite hnawt chhuak kan hmu a, kan zuinaah che a tel ve loh avangin ka khap ta asin le," a ti a, a chhang a. Isua erawh chuan a hnenah, "Khap tawh suh u, tupawh nangni dodal lo chu in lama tang an ni si a," a ti a.* Luka 9:49-50
He Bible chang pahnih hi a ziaktu hrang, hmun thuhmun a ni a. Kapernaum khaw kalkawnga a zirtirte zingah 'tu nge ropui ber' ti a an inhnial zawh hnu a Kapernaum khua an thlen hnu a inchhunga an awm khawm laia Johana'n inti fel taka Isua hnena a thiltih (ṭhat ?) a report a ni a.
Mahse, Isua hian ṭha alo tih pui hlek lo.
Isua hi zuiin, a thil mak tih ropui tak tak hmu fo tawh ṭhin mahse, an hnenah Thlarau Thianghlim ala thlen miau loh avangin an *Boss Isua* hmaah hian an ṭawng vâi fo mai.
Midangte hmu hnawksak tawk chauhvin, mahni thiltih hmu ṭha tâwk chauhvin Isua an zui a.
Hetih hunlaia Isua zirtir ang vela rawngbawltu chapo, midang hmu hniam leh hnawksak ti tâwk vel a rawngbawl ṭhin hi tunlai hian kan awm a ngem? Mi rawngbawl ve engahmah ngai lo, mahni ṭha inti em em si hi kan awm thei a ngem?
Isuan Johana a kam khat anga kam khat ngai kan awm ve angem?
Mahse, Thlarau Thianghlim an hnena alo thlen hnuah chuan midang sawisel chu sawi loh, Isua tan thih ngamin hrehawm a tuar ta zawk a. Rom khawpuia telso a thlakte a tawk a. Chumi hnuah Patmos thliarkar aṭangin 'Thupuan' (Revelation) te rawn ziakin Ephesi khua, (tuna Turkey ramah) a thi ta a ni.
*Lalpan malsawm rawh se.*
No comments:
Post a Comment